જસદણમાં કાલે સૌથી મોટું રાજકીય યુદ્ધ!, વાઘાણી-ધાનાણીની પ્રતિષ્ઠા દાવ પર

જસદણમાં આવતીકાલે સૌથી મોટું રાજકીય યુદ્ધ થવાનાં એંધાણ વર્તાઇ રહ્યાં છે. આવતીકાલે જસદણ વિધાનસભાની પેટાચૂંટણી યોજાવાની છે. જેને લઇને જસદણની જનતા પસંદગીની મહોર મારશે. જસદણમાં ભાજપે આ વખતે પેટા ચૂંટણીમાં મેગા પ્રચાર કર્યો છે. જેમાં CM, 7 મંત્રી, 38 MLA, 3 કેન્દ્રીય મંત્રીએ પ્રચાર કર્યો હતો. આ ઉપરાંત 5 સાંસદ, 6 પૂર્વ મંત્રીઓએ પણ પ્રચાર કર્યો હતો. ભાજપના 95 નેતાઓ પણ જસદણ પેટા ચૂંટણીનાં મેગા પ્રચારમાં જોડાયા હતા. 

બંને પક્ષો માટે પ્રતિષ્ઠાનો જંગ
જસદણની ચૂંટણી ભાજપ અને કોંગ્રેસની સાથે પ્રદેશ પ્રમુખો માટે પણ પ્રતિષ્ઠાનો જંગ બની રહ્યો છે. પેટા ચૂંટણીનું પરિણામ બંને પક્ષના નેતા પર અસર પાડશે. હાલ ભલે પેટાચૂંટણી હોય પણ માહોલ રાજ્યસભાની ચૂંટણી જેવો સર્જાયો છે. જો આ પેટા ચૂંટણી ભાજપ જીત્યું તો પ્રદેશ પ્રમુખ જીતુ વાઘાણીની શાખમાં વધારો થશે. અને જો હારશે તો પ્રદેશ પ્રમુખ પર સીધી જ અસર પડશે. આ તરફ કોંગ્રેસ જીત્યુ તો પરેશ ધાનાણી મજબૂત રહેવાશે. અને જો કોંગ્રેસ હારશે તો પરંપરાગત બેઠક ગુમાવવાનો બુટ્ટો લાગી જશે.

મહત્વપૂર્ણ છે કે જસદણ બેઠક પર 2.32 લાખ નોંધાયેલા મતદારો છે. છેલ્લી 14 ચૂંટણીમાં કોંગ્રેસ 9 વાર જીતી છે. આ બેઠક પર 35 % કોળી મતદારોનો પ્રભાવ છે. 

અત્યાર સુધી કયા પક્ષના કયા ઉમેદવારે જીત મેળવી છે તે જાણો...

જસદણ વિધાનસભા બેઠકનો વિજયી ઉમેદવારોનો અત્યાર સુધીનો રેકોર્ડ
વર્ષ	ઉમેદવારનું નામ	પક્ષ	મત સંખ્યા (જીતનાર ઉમેદવાર)	જીતનો તફાવત (મતસંખ્યા)
2017	કુંવરજી બાવળીયા	કોંગ્રેસ	84321	9277
2012	ભોળાભાઈ ગોહિલ	કોંગ્રેસ	78055	11027
2009 (પેટાચૂંટણી)	બી બી ખોડાભાઈ	ભાજપ	59934	14774
2007	કુંવરજી બાવળીયા	કોંગ્રેસ	64674	25679
2002	કુંવરજી બાવળીયા	કોંગ્રેસ	71296	20599
1998	કુંવરજી બાવળીયા	કોંગ્રેસ	40473	13300
1995	કુંવરજી બાવળીયા	કોંગ્રેસ	46207	21604
1990	ભીખાભાઈ ભાંભણીયા	IND (અપક્ષ)	19112	8187
1985	ડાભી મામૈયાભાઈ	કોંગ્રેસ	24736	10002
1980	ડાભી મામૈયાભાઈ	IND (અપક્ષ)	19041	4623
1975	શિવકુમાર ખાચર	IND (અપક્ષ)	27486	11199
1972	ગોસાઈ પી ગુલાબગીરી	કોંગ્રેસ	18831	6839
1967	શિવકુમાર ખાચર	SWA	13553	67
1962	વસંત પ્રભા શાહ	કોંગ્રેસ	11186	4682